અમેરિકન રાષ્ટ્રપતિ ડોનાલ્ડ ટ્રમ્પે શનિવારે કોરોના મહામારીને લઈને ચીન સામે કડક વલણ અપનાવ્યું હતું. ટ્રમ્પે કહ્યું કે અમને ખબર પડી ગઈ છે કે આ દેશ વાયરસ માટે જવાબદાર છે. જો તેવું છે, તો તેને ગંભીર પરિણામો ભોગવવા પડશે.
ટ્રમ્પે કહ્યું કે, “ચીનમાં વાયરસ શરૂ થતાં પહેલાં રોકી શકાય તેમ હતો. તેવું બન્યું નહોતું અને હવે આખું વિશ્વ તેના કારણે પીડાઈ રહ્યું છે. વિશ્વમાં અત્યાર સુધીમાં એક લાખ 60 હજારથી વધુ મૃત્યુ થયાં છે. જેમ કહેવામાં આવી રહ્યું છે કે તે (ચાઇનાનું નામ લેતા નથી) ઇરાદાપૂર્વક જવાબદાર હતા, તે ચોક્કસપણે ભૂલ હતી અને ભૂલ એ એક ભૂલ છે.” અમેરિકામાં 39 હજાર લોકોએ જીવ ગુમાવ્યો છે. સાત લાખ 38 હજાર સંક્રમિત છે. શનિવારે એક જ દિવસમાં 1,867 લોકોનાં મોત થયાં હતાં, જ્યારે સંક્ર્મણના 29 હજાર 57 કેસ મળ્યાં હતાં.
‘તેમને ખબર હતી કે કંઈક ખોટું થઇ રહ્યું છે’
- ટ્રમ્પને પૂછવામાં આવ્યું કે, શું આ એક ભૂલ હતી, જે નિયંત્રણની બહાર થઇ ગઈ કે પછી આવું જાણી જોઈને કરવામાં આવ્યું હતું? મારા હિસાબે આ બંને વચ્ચે એક મોટો અંતર છે. મને લાગે છે કે તેમને ખબર હતી કે આ ખરાબ છે. જો દુનિયાને લાગે છે કે આના કંઈક સત્ય છે.
- ટ્રમ્પે કહ્યું કે અમેરિકા એવા સમાચાર પર ધ્યાન આપી રહ્યું છે કે જેમાં કોરોનાવાયરસ ચીનના શહેર વુહાનની પ્રયોગશાળામાંથી ઉત્પન્ન થયો હોવાનો દાવો કરાયો છે. ચીન કહે છે કે અમે આની તપાસ કરી રહ્યા છીએ. ચાલો જોઈએ કે તેની તપાસમાં શું બહાર આવે છે. અમે આની પણ તપાસ કરી રહ્યા છીએ. ચીને કોરોના વિશે ચર્ચા કરવી જોઈએ
અમેરિકાના વિદેશ મંત્રી માઈક પોમ્પિયોએ પણ શનિવારે ચીન પર કોરોના સંબંધિત જાણકારી સંતાડવાનો આરોપ લગાવ્યો હતો. માઈકે કહ્યું કે, ચીને કોરોના વિશે આખી દુનિયા સાથે વાત કરવી જોઈએ. ચીન કહે છે કે તે સહયોગ કરશે. તો એ આવું કરવા માંગે છે તો તેણે દુનિયા અને દુનિયાભરના વૈજ્ઞાનિકોને કહેવું જોઈએ કે સંક્ર્મણ કેવી રીતે ચાલુ થયું અને દુનિયામાં કઈ રીતે ફેલાયું. જો ચીનમાં લોકશાહી સરકાર હોત, તો આવી માહિતી છુપાઇ ન હોત. પારદર્શિતાના અભાવને કારણે આવા જોખમો ઉભા થાય છે.
