ફ્રાન્સની રાજધાની પેરિસથી મુંબઇ આવી રહેલી એક ફ્લાઇટને ઇમરજન્સીમાં ઇરાન ઉતારવામાં આવી છે. જેના કારણે એક મોટી દુર્ઘટના ટળી. આ ઘટના બુધવારની છે, બાદમાં વિમાન કલાકો સુધી ઇરાનમાં રોકાયા બાદ મુંબઇ માટે દુબઇ થઇને ઉડાન ભરી. વિમાન કંપની જૂનનું એરબસ એ340 વિમાન ઇરાનના ઇસ્ફહાન શહેરમાં ઉતર્યું. વિમાન કંપની જૂને એક નિવેદનમાં કહ્યું કે, ફ્લાઇટ નંબર એએફ218ને વેન્ટિલેશન સર્કિટમાં ગરબડના કારણે ચેતવણીના ભાગરૂપે ઉતારી દેવામાં આવ્યું.
ઇરાને જણાવ્યું કે, સ્થાનિક અધિકારીઓએ યાત્રીઓને સેવા આપવામાં આવશે. ફ્લાઇટમાં યાત્રા કરી રહેલા તમામ યાત્રીઓ સુરક્ષિત છે. એર ફ્રાન્સે જણાવ્યું કે, સ્થાનિક સમારકામ દળે વિમાનની તપાસ કરી અને ત્યારબાદ તે દુબઇમાં અલ મકતૂમ આતંરરાષ્ટ્રીય એરપોર્ટ માટે રવાના થઇ ગયા. એર ફ્રાન્સે જણાવ્યું કે, તે યાત્રીઓને અન્ય વિમાન કંપનીઓના વિમાનથી ઝડપથી મુંબઇ પહોંચાડશે.
