ઈન્ડીયન ઓઈલ પોતાના ગ્રાહકો માટે એક ખાસ ઓફર લઈને આવ્યું છે. જો તમે પણ ઈન્ડીયન ઓઈલના પેટ્રોલ પંપ પરથી ગાડીમાં પેટ્રોલ અથવા ડિઝલ ભરાવતા હોય તો તમે પણ આ ઓફરનો લાભ લઈ શકો છો. ખાસ વાત એ છે કે, આની માટે તમારે વધારે મહેનત પણ નથી કરવાની તમારે બસ ક્રેડિટ કાર્ડ અથવા ડેબિટ કાર્ડથી પેમેન્ટ કરવાનું છે. આ ઓફર હેઠળ તમને 10 ટકા સુધી કેશ બેક પમ મળશે. તો જાણીએ તમે આ લાભ કેવી રીતે લઈ શકો છો.
ઈન્ડીયન ઓઈલે પોતાના અધિકારીક ટ્વીટર હેન્ડલ પર આ ઓફર વિશે જાણકારી આપી છે. આ ઓફરનો લાભ લેવા માટે માત્ર એક જ શરત છે, તે છે તમારે પેટ્રોલ અથવા ડિઝલનું ક્રેડિટ અથવા ડેબિટ કાર્ડથી પેમેન્ટ કરવું પડશે.
ઈન્ડીયન ઓઈલ દ્વારા આપવામાં આવેલી જાણકારી અનુસાર, આ ખાસ ઓફરનો લાભ લેવા માટે તમારી પાસે માત્ર 15 જાન્યુઆરી સુધીનો સમય છે. તેનો મતલબ એ છે કે, તમે 15 જાન્યુઆરી સુધી તેનો લાભ લઈ શકો છો.
આ ઓફરનો લાભ લેવા માટે તમારે તમારા મોબાઈલથી એક એસએમએસ મોકલવાનો રહેશે ‘Auth-code <space> Amount’ લખીને 9594925848 પર એસએમએસ મોકલવો પડશે. તમારે તે વાતનું ધ્યાન રાખવું પડશે કે, આ કેશબેક ઓફરનો લાભ તમને માત્ર ઈન્ડીયન ઓઈલના પેટ્રોલ પંપ પર જ લઈ શકો છો.
