ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ગુજરાત કોમન એન્ટ્રન્સ ટેસ્ટ (ગુજકેટ) -2020ની તારીખ જાહેર કરવામાં આવી છે. આગામી 31મી માર્ચ, મંગળવારના દિવસે ગુજકેટની પરીક્ષાનું આયોજન કરવામાં આવ્યું છે. ગુજકેટ-2020ની તમામ માહિતી તથા ઓનલાઇન ફોર્મ ભરવાની તમામ સૂચનાઓ www.gseb.org વેબસાઇટ પર મૂકવામાં આવી છે. આ પરીક્ષાનું ફોર્મ www.gseb.org અથવા gujcet.gseb.org વેબસાઇટ પરથી ભરી શકાશે. આ ફોર્મ તારીખ 21મી જાન્યુઆરીથી 5મી ફેબ્રુઆરી સુધી ઓનલાઇન ભરી શકાશે. મહત્વનું છે કે, સાયન્સના ગ્રુપ A, ગ્રુપ B અને ગ્રુપ ABના વિદ્યાર્થીઓને ડિગ્રી એન્જિનિયરિંગ, ડિગ્રી/ડિપ્લોમાં ફાર્મસીમાં પ્રવેશ લેવા માટે ગુજકેટની પરીક્ષા આપવાની હોય છે.
