દિલ્હી વિધાનસભાની ચૂંટણીમાં મતદાનના દિવસે પણ દિગ્ગજ નેતાઓ નિવેદબાજી તેમજ એકબીજા પર આક્ષેપ-પ્રતિઆક્ષેપથી બચી શક્યા નથી. મહિલાઓએ મતદાન માટે પુરૂષો સાથે ચર્ચા કરવી તેવા દિલ્હીના મુખ્યમંત્રી અને આપના સુપ્રીમો અરવિંદ કેજરીવાલના નિવેદનને ટાંકીને કેન્દ્રીય મંત્રી સ્મૃતિ ઈરાનીએ ઝંપાલવતા કેજરીવાલ પર નિશાન સાધ્યું હતું. જો કે કેજરીવાલે પણ આ મુદ્દે ફરી પલટવાર કરતું ટ્વીટ કર્યું હતું.
દિલ્હીના સીએમ કેજરીવાલે જણાવ્યું કે, આ વખતે દિલ્હીમાં મહિલાઓ પણ મતદાન માટે વધુ સક્રિય બની છે અને તેઓએ ઘરના પુરૂષોને પણ મતદાન કરવા જણાવવું જોઈએ. મોટાભાગની મહિલાઓ કામમાંથી નવરાશ કાઢીને મતદાન માટે જઈ શકતી નથી. મહિલાઓએ મતદાન કઈ પાર્ટીને કરવું તે માટે પુરૂષો સાથે ચર્ચા કરવી જોઈએ.
