દેશના 20 ટકા ગરીબ પરિવારોને વર્ષે 72 હજાર રૂપિયા આપીશું : રાહુલ ગાંધી

ચૂંટણી પહેલા દરેક રાજકીય પક્ષો પ્રજાના જાતભાતના વચનો આપતા હોય છે. તેમા કોંગ્રેસના રાહુલ ગાંધી પણ બાકાત નથી. લોકસભા ચૂંટણીને આડે હવે ગણતરીના દિવસો જ બાકી રહી ગયા છે ત્યારે કોંગ્રેસ અધ્યક્ષ રાહુલ ગાંધીએ એક મોટો વાયદો કર્યો છે. મોદી સરકારને સત્તા પરથી હટાવવા માટે કોંગ્રેસ વર્કિંગ કમિટીની બેઠક બાદ પ્રેસ કોન્ફરન્સ કરીને રાહુલ ગાંધીએ દેશની જનતાને વધુ એક વાયદો કરતા જણાવ્યું હતું કે જો તેમની સરકાર સત્તામાં આવશે તો તેઓ ગરીબ પરિવારોને વાર્ષિક 72 હજાર રૂપિયા આપશે.

રાહુલ ગાંધીએ લોકસભા ચૂંટણીને ધ્યાનમાં રાખીને લઘુત્તમ આવક ગેરેન્ટી યોજનાનો વાયદો કર્યો છે. આ યોજના અંતર્ગત કોંગ્રેસ પાર્ટી સત્તામાં આવશે તો દરેક વ્યક્તિને દર મહિને 12 હજાર રૂપિયા આપશે. પાંચ વર્ષ સુધી મોદી સરકારના રાજમાં ગરીબ પ્રજા અત્યંત દુખી રહી છે, હવે અમે એ ગરીબોને ન્યાય અપાવીશું.