અજય દેવગન, તબૂ અને રકુલ પ્રીત સિંહ સ્ટારર ફિલ્મ દે દે પ્યાર દેનું ટ્રેલર રિલીઝ થઈ ગયું છે. લવ રંજન પ્રોડક્શન હેઠળ બનેલ આ ફિલ્મ 50 વર્ષના ડાયવોર્સી પુરુષ અને 24 વર્ષની છોકરીની પ્રેમ કહાની છે. ટ્રેલર પરથી અંદાજો લગાવી શકાય કે ફિલ્મમાં ભરપૂર કોમેડી જોવા મળશે. આકીવ અલીના નિર્દેશનમાં બનેલ આ ફિલ્મ 17 મેના રોજ રિલીઝ થશે. આ ફિલ્મના નિર્દેશક આકીવ અલી અને પ્રોડ્યૂસર લવ રંજન અને ટી-સીરિઝ છે.
ટ્રેલરમાં કેટલાય મજેદાર ડાયલોગ પણ જોવા મળશે. એક સીનમાં ઉંમર જોઈ પ્રેમ ન કરવાની સલાહ આપતા અજય દેવગને સૈફ અલી ખાન અને કરીના કપૂરનું અદાહરણ પણ આપી દીધું. તબૂએ ફિલ્મમાં અજય દેવગનની પહેલી પત્નીનો રોલ નિભાવ્યો છે.
આ ત્રણેય સ્ટાર્સ સાથે જાવેદ જાફરી અને આલોક નાથ પણ મહત્વનો રોલ નિભાવી રહ્યા છે. ટ્રેલર જોતા જ અંદાજો લગાવી શકાય છે કે આ ફિલ્મમાં લવ રંજનની બાકી ફિલ્મો જેવી જ વાત છે. ઉમ્મીદ છે ટ્રેલરની જમ જ લોકોને ફિલ્મ પણ પસદ આવશે.
