કેનેડાની 19 વર્ષીય ટેનિસ ખેલાડી બિયાંકા એન્દ્રેસ્કૂએ યુએસ ઓપનમાં મહિલા સિંગલ્સનું ટાઇટલ જીતી લીધું છે. એન્દ્રેસ્કૂએ યુએસ ઓપનની ફાઇનલમાં અમેરિકાની સેરેના વિલિયમ્સને 6-7, 7-5થી સીધા સેટમાં હરાવીને પ્રથમ ગ્રાન્ડ સ્લેમ ટાઇટલ જીતી લીધું છે.
હારની સાથે જ સેરેનાનું 24મું ગ્રાન્ડ સ્લેમ ટાઇટલ જીતવાનું સ્વપ્ન તૂટી ગયું છે. કેનેડાની 19 વર્ષીય ખેલાડી બિયાંકા એન્દ્રેસ્કૂએ અત્યંત કપરી સેમિફાઈનલ મેચમાં બલિન્ડા બેનસિચને માત આપીને યુએસ ઓપનની ફાઇનલમાં પ્રવેશ કર્યો હતો. એન્દ્રેસ્કૂએ સ્વિત્ઝરલેન્ડની બેનસિચને 7-6(7-3), 7-5થી માત આપી હતી.
આ ટાઇટલ જીતવાની સાથે એન્દ્રેસ્કૂ રશિયાની મારિયા શારાપોવા બાદ યુએસ ઓપન ટાઇટલ જીતનાર સૌથી યુવા ખેલાડી બની ગઇ છે. શારાપોવાએ 2006માં યુએસ ઓપન ટાઇટલ જીત્યું હતું. યુએસ ઓપનમાં આ પ્રથમ કેનેડિયન ખેલાડીએ મહિલા સિંગલ્સનું ટાઇટલ જીત્યું છે. જ્યારે સેરેના વિલિયમ્સે તેનું પ્રથમ યુએસ ઓપન (વર્ષ 1999) જીત્યું હતું ત્યારે બિયાંકાનો જન્મ પણ થયો નહતો.
