વડોદરા શહેરમાં આજે રવિવારે સાંજે ગાજવીજ સાથે ધોધમાર વરસાદ શરૂ થઇ ગયો હતો. જેને પગલે નીચાણવાળા વિસ્તારોમાં પાણી ભરાઇ ગયા હતા. વડોદરામાં નવરાત્રીના ગ્રાઉન્ડની પણ તૈયારીઓ ચાલતી હોવાથી ગરબા આયોજકો ચિંતામાં મૂકાઇ ગયા છે. રાવપુરા, કારેલીબાગ સહિતના વિસ્તારોમાં પાણી ભરાયા. વડોદરા શહેરમાં દિવસ દરમિયાનના ઉકળાટ બાદ સાંજે અચાનક જ ધોધમાર વરસાદ શરૂ થઇ ગયો હતો. જેને પગલે રાવપુરા, કારેલીબાગ, માંડવી, અલકાપુરી, ખોડિયારનગર સહિતના વિસ્તારોમાં પાણી ભરાઇ ગયા હતા. ધોધમાર વરસાદને પગલે શહેરીજનો રસ્તા પર જ અટવાઇ ગયા હતા.
