કેબિનેટ દ્વારા SPG Amendment Billમાં જે સુધારાઓને મંજૂરી આપવામાં આવી છે, એના મુજબ હવેથી પૂર્વ વડાપ્રધાનોના પરિવારજનો એસપીજી (SPG) સુરક્ષા આપશે નહી. આ બિલ SPG સુરક્ષા માત્રને માત્ર વડાપ્રધાન પૂરતી જ સમિતિ કરી રહ્યું છે.
ઉલ્લેખનીય છે કે સરકારે કેટલાક દિવસો પહેલા જ કોંગ્રેસ અધ્યક્ષ સોનિયા ગાંધી, તેમના પુત્ર રાહુલ ગાંધી અને પુત્રી પ્રિયંકા ગાંધીને પ્રદાન કરવામાં આવેલી SPG સુરક્ષા પાછી ખેંચી લીધી હતી. આ પહેલા ગાંધી પરિવારને 28 વર્ષ સુધી SPG સુરક્ષા મળી રહી હતી. 21 મે 1991માં પૂર્વ વડાપ્રધાન રાજીવ ગાંધીની હત્યા પછી તેમના પરિવારજનોને SPG સુરક્ષા આપવામાં આવી હતી. જેને 28 વર્ષ પછી આ મહિનાની શરુઆતમાં પાછી કેન્દ્ર સરકારે પાછી ખેંચવાનો નિર્ણય લીધો હતો.
SPG કાયદા મુજબ આ પ્રતિષ્ઠિત દળના કમાન્ડો વડાપ્રધાન, તેમની નજીકના પરિવારજનો, કોઇ પૂર્વ વડાપ્રધાન કે તેમના નજીકના પરિવારના સભ્યોની સુરક્ષા તેમના પદ સંભાળ્યાની તારીખથી એક વર્ષ સુધી અને ખતરાની આશંકાએ એક વર્ષથી વધારે સુરક્ષા આપી શકશે નહીં.
ગાંધી પરિવારને હવે ઝેડ પ્લસ સુરક્ષા પ્રદાન કરવામાં આવી છે જેમાં સીઆરપીએફના જવાનો તેમની સુરક્ષાની જવાબદારી ઉઠાવશે. હવે દેશમાં માત્ર વડાપ્રધાન નરેન્દ્ર મોદીને 4000 અધિકારીઓ અને જવાનો વાળા SPG દળની સુરક્ષા મળશે. નિયમો મુજબ SPG સુરક્ષા પ્રાપ્ત કરેલા લોકોના કાફલામાં સુરક્ષા કર્મચારીઓ, હાઇ ટેકનીક વાહનો, ઝૈમર અને એમ્બ્યુલન્સ સામેલ હોય છે.
