રાજ્ય સરકારના શાળા આરોગ્ય કાર્યક્રમ હેઠળ AMC વિસ્તારની તમામ આંગણવાડીના, તમામ ખાનગી તથા મ્યુનિસિપલ કોર્પોરેશન સંચાલિત પ્રાથમિક, માધ્યમિક અને ઉચ્ચત્તર માધ્યમિક શાળાના બાળકો, નવજાત શિશુઓ અને શાળાએ ન જતા 18 વર્ષ સુધીના બાળકોની આરોગ્ય તપાસ કરવામાં આવી રહી છે. 25 નવેમ્બર 2019થી 28 ડિસેમ્બર સુધી કરવામાં આવેલી આ આરોગ્ય તપાસ દરમિયાન 346 બાળકોને હ્રદય રોગ, 194 બાળકોને કીડનીના રોગ, 33ને કેન્સર અને 41ને થેલેસેમિયા હોવાનો ખુલાસો થયો છે. આ તમામ બાળકોને સુપર સ્પેશિયાલિસ્ટ સારવાર આપવામાં આવી છે.
5 લાખથી વધુ બાળકો તપાસ્યા, 2 લાખથી વધુને સ્થળ પર સારવાર આપી
28 ડિસેમ્બર સુધીમાં કુલ 5 લાખ 87 હજાર 929 બાળકોની આરોગ્ય તપાસ કરવામાં આવી છે. જેમાંથી 2 લાખ 73 હજાર 69 બાળકોને સ્થળ પર સારવાર આપવામાં આવી છે. સંદર્ભ સેવામાં 33 હજાર 577, બાળરોગ નિષ્ણાત દ્વારા 4 હજાર 376, આંખના સર્જન દ્વારા 7 હજાર 810, દાંતના સર્જન દ્વારા 15 હજાર 183, ચામડીના સ્પેશિયાલિસ્ટ દ્વારા 2755, કાન-નાક ગળાના સર્જન દ્વારા 2228 અને અન્ય નિષ્ણાત દ્વારા 1225 બાળકોની તપાસ કરવામાં આવી છે.
