કોન્નોર ક્રૂઝ તેના મૂવી સ્ટાર ડેડની જેમ સાયન્ટોલોજિસ્ટ છે. તે ટૂંક સમયમાં તેની ઇટાલિયન ગર્લફ્રેન્ડ સિલ્વિયાની સાથે મેરેજ કરશે, પરંતુ એમ કહેવામાં આવી રહ્યું છે કે, આ વેડિંગમાં નિકોલ સ્વીકાર્ય નથી. એક સોર્સે કહ્યું હતું કે, ‘આ નિર્ણય ટોમનો જ છે. કોન્નોરે તેની વાત માની હતી.’કોન્નોર ભૂતપૂર્વ ડીજે છે.
વાસ્તવમાં નિકોલને વેડિંગમાં ઇન્વાઇટ નહીં કરવામાં આવે એ વાતથી અનેક લોકોને આશ્ચર્ય થયું નથી. કેમ કે, આ ઓસ્ટ્રેલિયન એક્ટ્રેસ અને ટોમની પાસે રહેતા તેના દત્તક લીધેલાં બે બાળકો વચ્ચેના સંબંધોમાં તિરાડ પડી હોવાનું વર્ષોથી કહેવામાં આવી રહ્યું છે. 2001માં તેઓ અલગ થયા એ પછી ટોમને જ તેમનાં બે બાળકોની કસ્ટડી મળી હતી. એ સમયે તેમનાં બાળકોએ તેમના ફાધરની સાથે રહેવાનું પસંદ કર્યું હતું. નિકોલ તેના મેરેજનો ભંગ થયો એના માટે સાયન્ટોલોજીને જવાબદાર ગણાવે છે.
