વિશ્વમાં સેક્સ અંગે અવનવી થિયરીની અનેક માન્યતાઓ છે. તાજેતરના એક અભ્યાસ લેખ થકી સાબિત થયું છે કે ઘરડાં પુરુષો સેક્શુઅલ એક્ટિવિટીમાં સામેલ થાય તો ઓવરોલ તેમની તબિયત માટે ફાયદાકારક સાબિત થાય છે. જ્યારે મહિલાઓની વાત કરીએ તો પાર્ટનર સાથે ઈમોશનલી ઘરોબો કેળવે તો એમને પણ વધુ ખુશી મળે છે.
આ અભ્યાસ થકી એ બાબત પણ બહાર આવી છે કે મોટી વયની મહિલાઓ ઈચ્છે છે કે સેક્સ દરમિયાન પાર્ટનર તેમની સાથે લાગણીથી સંકળાયેલ રહે, એને ચુંબન કરે અને પ્રેમ તેમજ હૂંફ આપે. જોકે, મહિલાઓની સેક્શુઅલ ઈન્ટરકોર્સમાં રસરુચિ ઓછી હોય છે. બીજી તરફ વૃદ્ધ પુરુષોની વાત કરીએ તો એમના માટે લાઈફની એન્જોયમેન્ટ સેક્સલાઈફમાં સંતુષ્ટિ અને કેટલી વખત ઈન્ટરકોર્સ કર્યુ હોવા પર નિર્ભર રહે છે.
સેક્શુઅલ મેડિસિન નામની જર્નલમાં પ્રકાશિત આ અભ્યાસ લેખનું તારણ એ દર્શાવે છે કે વૃદ્ધ પુરુષો માટે સેક્શુઅલ ઈન્ટરકોર્સ વધુ મહત્વ ધરાવે છે. જ્યારે મહિલાઓ માટે સેક્શુઅલ એક્ટિવિટીમાં સામેલ થવું એ જ એમના માટે એન્જોયમેન્ટનું માધ્યમ છે.
આ અભ્યાસ લેખમાં ટીમે 6089 વૃદ્ધોના ડેટા એકત્ર કર્યા હતા. આ તમામની સરેરાશ ઉંમર 65 વર્ષની હતી.
