ગયા વરસે હૃતિક રોશનના જન્મદિવસે પિતા રાકેશ રોશને ઘોષણા કરી હતી કે, તેઓ ‘ક્રિષ ૪’ પર કામ કરી રહ્યો છે અને આ ફિલ્મને ૨૦૨૦ની નાતાલના દિવસે રીલિઝ કરવામાં આવશે. જોકે આ બાદ આ ફિલ્મ ચર્ચામાં નહોતી. પરંતુ હવે હૃતિકે જ આ ફિલ્મ વિશે માહિતી આપી છે.
” મારી સુપરહીરોવાળી ફિલ્મની ચોથી સીઝ પર હાલ કામ ચાલી રહ્યું છે. સ્ક્રિપ્ટ ફાઇનલ સ્ટેજમાં છે. આ ફિલ્મ ૨૦૨૦માં રીલિઝની યોજના હતી. પરંતુ હવે આગળ મારા પ્લાન પર નિર્ભર થશે. જો હું મારી આ ફિલ્મ પહેલા અન્ય ફિલ્મનું કામ શરૂ કરી દઇશ તો કદાચ રીલિઝ તારીખ લંબાવવી પણ પડે,” તેમ હૃતિકે એક ઇન્ટરવ્યુ દરમિયાન જણાવ્યું હતું.
રસપ્રદ વાત તો એ છે કે, નાતાલ ૨૦૦૨૦ના દિવસે તો અત્યાર સુધીમાં બે ફિલ્મોની ઘોષણા થઇ ચુકી છે. જેમાં અક્ષય કુમારની ‘બચ્ચન પાંડે અને આમિર ખાનની ‘લાલસિંહ ચડ્ડા’ છે.
