પાકિસ્તાનને વધુ એક ઝટકો આપવાની અમેરિકાની તૈયારી, ‘હાઉડી મોદી’ કાર્યક્રમમાં ટ્રમ્પ આપશે હાજરી

જમ્મુ કાશ્મીર મુદ્દે અમેરિકાએ પાકિસ્તાનને આપેલા ઝાટકા બાદ અમેરિકા વધુ એક ઝાટકો આપવાની તૈયારીમાં છે. અમેરિકાના રાષ્ટ્રપતિ ડોનાલ્ડ ટ્રમ્પ હ્યુસ્ટનમાં આયોજિત હાઉડી મોદી કાર્યક્રમમાં હાજરી આપવાના છે. ટ્રમ્પ સિવાય આ કાર્યક્રમમાં અમેરિકાના 60થી વધારે સાંસદો હાજરી આપશે. આ કાર્યક્રમ 22મી સપ્ટેમ્બરે એનઆરજી સ્ટેડિયમમાં યોજાઈ રહ્યો છે. જેમા 50 હજારથી વધારે લોકો હાજરી આપશે. મળતી માહિતી પ્રમાણે હ્યૂસ્ટનના સૌથી મોટા સ્ટેડિયમમાં અત્યાર સુધીમાં આ પ્રકારનો કાર્યક્રમ હજી સુધી યોજાયો નથી. આ પ્રકારના કાર્યક્રમનું પહેલીવાર આયોજન કરવામાં આવી રહ્યુ છે. કાર્યક્રમમાં માટે અલગથી વેબસાઈટ બનાવવામાં આવી છે. અને સોશિયલ મીડિયામાં અભિયાન પણ ચલાવવામાં આવી રહ્યુ છે.