ગુજરાત વિધાનસભામાં તલાલાના કોંગ્રેસી ધારાસભ્ય ભગવાન બારડના સસ્પેન્શન મુદ્દે કોંગ્રેસ આક્રમક બની છે. જેમાં વિપક્ષ નેતા પરેશ ધાનાણી સહિત કોંગ્રેસના ધારાસભ્યો બુધવારે ગુજરાત વિધાનસભામાં અધ્યક્ષની ઓફિસ બહાર ધરણા પર બેઠા હતા. આ પ્રસંગે કોંગ્રેસ દ્વારા આરોપ આરોપ મુકવામાં આવ્યો કે, ભગવાન બારડને બંધારણ વિરુદ્ધ જઇને સસ્પેન્ડ કરવામાં આવ્યા છે. ગાંધીનગરમાં વિક્ષપ નેતા પરેશ ધાનાણી સહિત કોંગ્રેસના ધારાસભ્યોએ વિધાનસભા ખાતે ઉગ્રે દેખાવો કર્યા હતા. જેમાં ધરણા સાથે રામધૂન કરતા કોંગ્રેસના ધારાસભ્યો વચ્ચે પરેશ ધાનાણીએ જણાવ્યું કે, રાજ્ય સરકારના દબાણથી ભગવાન બારડ સામે કાર્યવાહી કરવામાં આવી છે. આ મામલે રજૂઆત કરવા છતાં રાજ્યપાલ તરફથી કોઇ જવાબ મળ્યો નથી. જેમાં વિધાનસભાના અધ્યક્ષના હાથ બંધાયેલા છે. સસ્પેન્શન મુદ્દે ફરી વિચાર કરવા વિધાનસભાના અધ્યક્ષ તૈયાર પણ નથી.
