અમદાવાદની પ્રાદેશિક ચેનલના પત્રકાર ચિરાગ પટેલની નિર્મમ હત્યાને પાંચ દિવસ વીતી ગયા બાદ પણ પોલીસ હવામાં બાચકા ભરી રહી છે. જ્યારે દેશની ચોથી જાગીર એવા પત્રકારો સુરક્ષિત વાતાવરણમાં પોતાની ફરજ ન બજાવી શકે ત્યારે લોકશાહી ઉપર ખતરો ઉભો થવો સ્વાભાવિક છે. આજે વડોદરા શહેર અને જિલ્લાના પત્રકારો એ મોટી સંખ્યામાં એકત્રિત થઈને મુખ્યમંત્રી વિજય રૂપાણી ને આવેદનપત્ર પાઠવ્યું હતું. પ્રિન્ટ તેમજ ઇલેક્ટ્રોનિક મીડિયાના પ્રતિનિધિઓએ વિશાલ રેલી યોજીને પત્રકાર એકતાને ઉજાગર કરી હતી .
