પાકિસ્તાન ક્રિકેટ ટીમના પૂર્વ કેપ્ટન શાહિદ આફ્રીદીએ તેમની આત્મકથા ગેમ ચેન્જરમાં તેમની સાચી ઉંમરનો ખુલાસો કર્યો છે. તેમાં તેમણે તેનો જન્મ 1975 દર્શાવ્યો છે. જ્યારે ઓફિશિયલ રેકોર્ડ પ્રમાણે તેમનો જન્મ 1 માર્ચ 1980 છે. આફ્રીદીએ 1996માં નૈરોબીમાં શ્રીલંકા વિરુદ્ધ 37 બોલમાં સૌથી ફાસ્ટ સેન્ચૂરી લગાવવાનો રેકોર્ડ હતો. તે સમયે તેઓ 16 વર્ષના નહીં પરંતુ 20-21 વર્ષના હશે.
આફ્રીદીએ આ સીરીઝ પછી નૈરોબીથી વેસ્ટઈન્ડિઝ પહોંચ્યા હતા. અહીં તેમણે પાકિસ્તાન માટે અંડર-19 સીરીઝ રમી. જ્યારે હકીકતમાં તે સમયે તેઓ અંડર-19 ખેલાડી નહતા. આફ્રીદીએ નિવૃતિ લીધી તેને ઘણો સમય થઈ ગયો છે પરંતુ પાકિસ્તાન સુપર લીગ (પીએસએલ)ના આ સત્રમાં તેમણે મુલ્તાન સુલ્તાંસ માટે 8 મેચ રમ્યા અને 10 વિકેટ લીધી. તેમની આત્મકથા પ્રમાણે જોવા જઈએ તો તેમણે 43 અથવા 44ની ઉંમરમાં આવું પ્રદર્શન કર્યું હતું.
40-41ની ઉંમરમાં રમી હતી છેલ્લી ટી-20ઃ ગેમ ચેન્જર પ્રમાણે આફ્રીદીનો જન્મ 1975માં થયો હતો. જ્યારે તેમણે 2010માં અચાનક ટેસ્ટ ક્રિકેટથી સંન્યાસની જાહેરાત કરી હતી ત્યારે તેઓ 34-35 વર્ષના હતા. 4 વર્ષ પછી આફ્રીદીએ ટેસ્ટ ક્રિકેટમાં વાપસી કરી હતી. જ્યારે આફ્રીદીએ 2016માં પાકિસ્તાન માટે છેલ્લી ટી-20 રમી ત્યારે તેઓ 36 વર્ષના નહીં પરંતુ 40-41 વર્ષના હતા.
