રાજ્ય સરકાર ઘ્વારા તમામ જિલ્લા અને ગામોમાં પીવાનું પાણી પહોંચાડવાનો દાવો કરવામાં આવી રહ્યો છે, પરંતુ જમીની હકીકત કંઈક અલગ જ છે. નાના નાના ગામોના લોકોને એક ઘડા પાણી માટે ઘણીં મુસીબતનો સામનો કરવો પડી રહ્યો છે. ઉનાનો એલમપુર ગામનો એક એવો જ વીડિયો સામે આવ્યો છે. જેમાં જોઈ શકાય છે કે ટેન્કર ઘ્વારા પાણી ભરવાની કોશિશ નાકામ થયા પછી મહિલાઓ પશુઓનુ પાણી ભરીને પીવા માટે લઇ જાય છે. જયારે કેટલીક મહિલાઓ નિરાશ થઈને ખાલી ઘડા લઈને પાછી ફરી રહી છે.
