ચક્રાવાત ‘વાયુ’ને લઇને સૌરાષ્ટ્રના દરિયા કિનારામાં એલર્ટ છે. તંત્ર પણ સ્થિતીને પહોંચી વળવા સજ્જ થયું છે. હજી ચક્રવાત ‘વાયુ’ ગુજરાતના દરિયા કિનારે પહોંચ્યું નથી ત્યાં અંબાજીમાં ભુકંપનો આંચકો આવ્યો છે. આ ભુકંપની તિવ્રતા 2.3ની નોંધવામાં આવી છે. આ ભુકંપનું કેન્દ્રબિંદુ પાલનપુરથી 32 કિલોમીટર દુર નોંધયું છે.
નોંધનીય છે કે, આ અગાઉ પણ અમદાવાદ સહિત ઉત્તર ગુજરાતની ધરા ધ્રુજી હતી. આ પહેલા આવેલો ભૂકંપનો આંચકો 4.3ની તિવ્રતાનો હતો ત્યારે ફરી ભુકંપ આવતા લોકોમાં ભયનો માહોલ જોવા મળી રહ્યો છે.
