ભારતમાં નિર્માણ પામેલુ વજનમાં હલકુ યુદ્ધ વિમાન તેજસ (LCA)ને નૌકાદળ માટે તૈયાર કરવામાં આવેલુ દેશનું પહેલું અવુ વિમાન બની ગયું છે જેણે સફળતાપૂર્વક અરેસ્ટ લેન્ડિંગ કરી. ભારતીય નૌકાદળ માટે આ મહત્વની સફળતા માનવામાં આવી રહી છે.
અત્યાર સુધીમાં ગણતરીના લડાયક વિમાનો અરેસ્ટ લેન્ડિંગને સફળતાથી પાસ કરી લે છે, જેમાં અમેરિકા, રશિયા, યૂનાઇટેડ કિંગડમ, ફ્રાન્સ અને તાજેતરમાં જ ચીને પણ આ પ્રકારના યુદ્ધ વિમાનને વિકસાવ્યું છે. ગોવાના દરિયાકિનારે બનેલી ટેસ્ટ ફેસેલિટીમાં આ પરીક્ષણને વારંવાર સફળ થવું સાબિત કરે છે કે LCA-N સૌથી મહત્વની ડિઝાઇન ફિચર કોઇપણ વિમાનવાહક જહાજના ડેક પર અરેસ્ટેડ લેન્ડિંગને વિમાન ઝેલી શકે છે. હવે ભારતના એકમાત્ર ઓપરેશન વિમાનવાહક યુદ્ધ જહાજ INS વિક્રમાદિત્ય પર લેન્ડ કરાવવામાં આવશે.
LCA-Nને મે-જૂન દરમિયાન ગોવા ટેસ્ટ ફેસિલિટીમાં 60 વાર ઉડાન ભરી હતી. વિમાનને INS વિક્રમાદિત્યના ડેક પર પહોંચાડવા માટે LCA-Nના એન્જિનીયર્સ અને પાયલટ પણ આ વાતથી સંતુષ્ટ છે કે વિમાન 7.5 મીટર પ્રતિ સેંકન્ડના સિંક રેટ (નીચે ઉતરવાની ઝડપ)થી ક્ષતિગ્રસ્ત થયા વગર જહાજ પર પહોંચી શકે છે. પ્રોજેક્ટ સાથે જોડાયેલ ટીમને પણ ભરોસો છે કે આ ભારતીય યુદ્ધ વિમાન લેન્ડિંગ સર્ટીફિકેટને મેળવવા માટે સક્ષમ છે.
જો કે આ પ્રોજેક્ટ સાથે એક યાંત્રિક ફેરફાર છે જેમા INS પર લાગેલ અરેસ્ટર ગેયર ડિઝાઇન સિસ્ટમ અને ટેસ્ટ ફેસિલિટીમાં લાગેલી સિસ્ટમની ડિઝાઇન અલગ છે. આ મુદ્દે LCA-N પ્રોજક્ટ ટીમ એવી આશા વ્યક્ત કરી રહ્યા છે કે, આ ફેરફારની પ્રોડેક્ટ પર કોઇ અસર નહી પડે, પરંતુ વિમાન જ્યારે જહાજ પર સફળતાથી લેન્ડિંગ કરશે ત્યારે જ તેને ભરોસાપાત્ર કહી શકાશે.
