ભાજપના બાગી નેતા અને પટના સાહિબના સાંસદ શત્રુઘ્ન સિન્હા માર્ચના અંતમાં કોંગ્રેસનો હાથ પકડી શકે છે. મીડિયામાં ચાલી રહેલા સમાચારો અનુસાર શત્રુઘ્ન સિન્હા 28 કે 29 માર્ચે નવી દિલ્લીમાં કોંગ્રેસમાં શામેલ થઈ શકે છે. સોમવારે બિહાર કોંગ્રેસ અભિયાન સમિતિના અધ્યક્ષ અને રાજ્યસભા સાંસદ અખિલેશ પ્રસાદ સિંહે પટનામાં પત્રકારોને આ જાણકારી આપી. આ દરમિયાન કોંગ્રેસ અધ્યક્ષ રાહુલ ગાંધી પણ હાજર રહેશે.
