એસ એસ રાજામૌલીની આગામી ‘આરઆરઆર’ ફિલ્મમાં ફીમેલ લીડ રોલની એક દાવેદાર તરીકે આલિયા ભટ્ટનું નામ આવ્યું છે. આ ફિલ્મ તેલુગુમાં બનશે. જેને હિન્દીમાં પણ ડબ કરવામાં આવે એવી શક્યતા છે. જોકે, આલિયા પાસે અત્યારે અનેક પ્રોજેક્ટ્સ છે. તેની પાસે અન્ય કોઈ પ્રોજેક્ટ કરવા માટે સમય જ નથી. તે અત્યારે તેની આગામી ફિલ્મ ‘ગલી બોય’ને પ્રમોટ કરી રહી છે. એ પછી તે તેની આગામી ફિલ્મ ‘કલંક’ને પ્રમોટ કરશે. જેના પછી તે ‘સડક 2′ માટે શૂટિંગ કરશે. જેના પછી તે ‘તખ્ત’ કરશે. રણવીર સિંઘ અને આલિયા ભટ્ટ કરણ જોહર દ્વારા ડિરેક્ટેડ ફિલ્મ ‘તખ્ત’માં જોવા મળશે. આ ફિલ્મમાં રણવીર મોગલ સમ્રાટ શાહજહાંના દીકરા દારા શુકોહનો રોલ પ્લે કરશે જ્યારે વિકી કૌશલ તેના નાના ભાઈ ઔરંગઝેબનો રોલ પ્લે કરશે. ‘તખ્ત’માં કરીના કપૂર ખાન, ભૂમિ પેડનેકર, જ્હાન્વી કપૂર અને અનિલ કપૂર પણ છે.
